Во текот на 2011 е спроведено истражување од двајца волонтери на Акција Здруженска, студенти на Институтот за родови студии при Филозофскиот факултет на Универзитетот „Св, Кирил и Методиј“-Скопје.

Во рамките на програмската област Социјална инклузија, Акција Здруженска во текот на 2011 година изготви серија аналитички осврти со цел да ја промовира родовата анализа како алатка за креирање мерки и спроведување на политики од областа на социјалната инклузија. Во април месец излезе првиот аналитички осврт „Воведување на родовата анализа во истражувањата за социјалната инклузија“.

Во септември излезе вториот аналитички осврт „Прашањето на Отворениот метод на координација (ОМК) и родот во Европската Платформа за борба против сиромаштијата и социјалната исклученост“.

Третиот аналитички осврт „Родовите прашања и инклузивноста во Националната Стратегија за е-вклучување на Р.Македонија, 2011-2014“ излезе во октомври 2011.

Здружението за унапредување на родовата еднаквост Акција Здруженска на 30 ноември 2011 година (среда) во хотелот Холидеј Ин во Скопје со почеток во 11.00 часот организира конференција на тема „Кон функционален и ефективен модел за вклучување на родовата перспектива во главните текови, политики и практики во РМ“

Конференцијата ќе се фокусира на институционалната рамка за родова еднаквост во РМ, односно на откривање на слабите и јаките страни на македонскиот модел за вклучување на родовата перспектива во главните текови, политики и практики, со цел да се развијат предлози за негово унапредување.

Здружението на граѓани Акција Здруженска организираше промоција на аналитички осврт „Воведување на родовата анализа во истражувањата за социјалната инклузија“ која се одржa на 13 април (среда) во просториите на ГЕМ Клуб во Скопје од 11:00 до13:00 часот.

Здружението на граѓани Акција Здруженска на 21.12.2010 во хотел Холидеј Ин во Скопје одржа форум на тема „Ефективноста на постоечките практики на следење и оценка на напредокот во примената на специфичните политики за родова еднаквост во Р. Македонија: состојби и предизвици“

Здружението на граѓани Акција Здруженска на 25 јануари 2011 во Холидеј Ин, Скопје одржа конференција „Спроведувањето на Законот за еднакви можности на жените и мажите од страна на органите/телата на ЕЛС„ .

На конференцијата беа презентирани резултатите од спроведениот мониторинг на работата на различните структури во 7 општини во однос на спроведување на обврските од Законот за еднакви можности на жените и мажите.

Од 30-31.10.2010 во Хотел Амбасадор во Скопје се одржа дводневна работилница за “Проценка на собраниот материјал и насоки за финализирање на мониторинг извештаите“, на која присуствуваа мониторинг тимовите од организациите опфатени со проектот „Ефективен одговор за родова еднаквост на локалната самоуправа во Р. Македонија“.

Од 06-07.11.2010 во Хотел Алпина во Маврово се одржа дводневна работилница за „Идентфикување на постоечки практики/механизми за информирање, консултации и соработка на локалните власти со НВО во унапредувањето на еднаквите можности на жените и мажите“, на која присуствуваа претставнички на женски граѓански организации кои беа вклучени во процесот на мониторинг во однос на имплементацијата на Законот за еднакви можности на жените и мажите во 7 општини, како и претставници на надлежните органи и тела од тие општини кои се одговорни за имплементацијата на Законот.

Од 14-16.05.2010 год. во Х. Ривиера, Охрид се одржа дводневна работилница „Принципот на еднакви можности на жените и мажите во работата на органите и телата во ЕЛС “ на која присуствуваа 16 претставници на Советот и општинската администрација на Општина Битола.

Од 8-10.06.2010 год. во Х. Макпетрол, Маврово се одржа дводневна работилница „Принципот на еднакви можности на жените и мажите во работата на органите и телата во ЕЛС“ на која присуствуваа 14 претставници на Советот и општинската администрација на Општина Куманово.

Прва дводневна работилница за мониторинг тимовите на локални НВО „Развивање рамка за следење на спроведувањето на Законот за еднакви можности на жените и мажите на локално ниво“.

Од 28-30.05.2010 год. во Х. Белведере, Охрид се одржа дводневна едукативна работилница „Развивање рамка за следење на спроведувањето на Законот за еднакви можности на жените и мажите на локално ниво“на која присуствуваа 22 монитори од 11 НВО.

Втора дводневна работилница за мониторинг тимовите на локални НВО „Развивање рамка за следење на спроведувањето на Законот за еднакви можности на жените и мажите на локално ниво“.

Од 25-27.06.2010 год. во Х. Алпина, Маврово се одржа втора дводневна работилница „Развивање рамка за следење на спроведувањето на Законот за еднакви можности на жените и мажите на локално ниво“на која присуствуваа 21 монитор од 11 НВО.