Во организација на Женска акција од Радовиш, жени од селата Лубница и Конче, учествуваа на обука за користење на општинските е-услуги што ги нуди општината Конче. Преку практични сесии, учесничките имаа можност да се запознаат со дигиталните услуги и начините за нивно користење, за да може да имаат полесен пристап до општинските сервиси.

Обуките се реализираа во рамки на проектот „Жените го преземаат водството во локалните заедници“, кој го имплементираат Акција Здруженска, The Kvinna till Kvinna Foundation и Хуманитарното здружение „Мајка“ од Куманово, со финансиска поддршка од Делегацијата на Европската Унија во Северна Македонија и Амбасадата на Шведска во Скопје.